យោងតាមប្រព័ន្ធផ្សព្វផ្សាយក្នុងស្រុក ឲ្យដឹងថា នៅថ្ងៃទី២០ លោកយាយ Phinij Sopajorn អាយុ ៧០ឆ្នាំ បានទទួលមរណភាពនៅឯមន្ទីរពេទ្យ បន្ទាប់ពីមានអាការហើមក្រពេញទីរ៉ូអ៊ីត ដោយក្រុមគ្រូពេទ្យព្យាយាមជួយសង្គ្រោះ ប៉ុន្តែដោយសារជំងឺនេះធ្ងន់ធ្ងរពេកមិនអាចជួយសង្គ្រោះបាន។ បន្ទាប់មកមន្ទីរពេទ្យ បានប្រគល់សាកសពជូនក្រុមគ្រួសារយកទៅធ្វើបុណ្យតាមប្រពៃណី។ សាកសពរបស់លោកយាយ Phinij ត្រូវបានគេដាក់នៅក្នុងមឈូស ហើយដាក់ក្នុងព្រះវិហាររយៈពេល ៣ ថ្ងៃដើម្បីបួងសួង។ នៅថ្ងៃទី២៣ មឈូសរបស់លោកយាយ Phinij ត្រូវបានគេយកទៅកន្លែងបូជាសព ដើម្បីរៀបចំបូជាសព។ មុននឹងយកសពទៅបូជា ប្តីរបស់លោកយាយដែលមានឈ្មោះ Thawin Sopajorn អាយុ ៧៣ឆ្នាំ បានធ្វើបុណ្យតាមប្រពៃណីក្នុងស្រុក គឺជូតមុខប្រពន្ធរបស់គាត់ជាលើកចុងក្រោយដោយក្រណាត់សើម។
ខណៈពេលដែលលោកតា Thawin កំពុងជូតមុខប្រពន្ធរបស់គាត់ គាត់បានកត់សម្គាល់ឃើញអ្វីដែលមិនធម្មតា និងចម្លែក។ លោកតាបានកត់សម្គាល់យ៉ាងច្បាស់ថា ប្រពន្ធរបស់គាត់កំពុងដកដង្ហើម ហើយមួយសន្ទុះគាត់ឃើញលោកយាយបើកភ្នែក។ បន្តិចក្រោយមក លោកតាក៏បានទូរស័ព្ទហៅរថយន្តសង្គ្រោះបន្ទាន់ ហើយនៅពេលបុគ្គលិកពេទ្យបានទៅដល់ពិនិត្យ និងបញ្ជាក់ថា លោកយាយ Phinij នៅរស់នៅឡើយទេ។ លោកយាយ Phinij ត្រូវបានគេនាំយកមកផ្ទះ ដោយដាក់នៅក្បែរម៉ាស៊ីនកំដៅ និងទឹកក្តៅមួយដបនៅលើទ្រូងរបស់គាត់ ដើម្បីបង្កើនសីតុណ្ហភាពរាងកាយ។ លោកតាបានបន្ថែមថា តាំងពីដំបូងមកគាត់សង្ស័យថាប្រពន្ធរបស់គាត់នៅមានជីវិតនៅឡើយ ព្រោះរាងកាយរបស់លោកយាយ Phinij មិនរឹងទេ។ លោកតានិយាយថា “បន្ទាប់ពីនាងឈប់ដកដង្ហើម យើងបានដាក់សាកសពនាងនៅក្នុងមឈូស ប៉ុន្តែខ្ញុំមានអារម្មណ៍ចម្លែកណាស់ ដែលអវយវៈរបស់នាងមិនរឹង។ នៅពេលខ្ញុំលាងនាងរាងកាយរបស់នាងនៅតែទន់។
បន្ទាប់មកនៅពេលបុណ្យសពបានធ្វើឡើង ខ្ញុំជាមនុស្សចុងក្រោយដែលប៉ះរាងកាយរបស់នាង មុនពេលត្រូវបូជា ខ្ញុំសប្បាយចិត្តខ្លាំងណាស់នៅពេលខ្ញុំដឹងថានាងនៅមានជីវិត។ ខ្ញុំបានឱបនាង ហើយបានហៅកូនៗ របស់ខ្ញុំ ប៉ុន្តែពួកគេទាំងអស់គិតថាខ្ញុំស្រមើស្រម៉ៃ។ សំណាងដែរ ដែលកូនប្រសារខ្ញុំជាគ្រូពេទ្យ ហើយបន្ទាប់ពីពិនិត្យរួចនាងបានបញ្ជាក់ថា ប្រពន្ធខ្ញុំនៅមានជីវិតនៅឡើយ ប៉ុន្តែជីពចររបស់នាងខ្សោយណាស់”។ ការរស់ឡើងវិញរបស់លោកយាយ Phinij នៅឯពិធីបុណ្យសព បានធ្វើឱ្យមនុស្សគ្រប់គ្នាភ្ញាក់ផ្អើលយ៉ាងខ្លាំង ដោយលោកយាយនៅមានដង្ហើម មានជីពចរ ប៉ុន្តែមិនឆ្លើយតប និងមិនអាចនិយាយបាន។ បច្ចុប្បន្នក្រុមគ្រួសារ បានយកលោកយាយមកផ្ទះ ប៉ុន្តែមិនសង្ឃឹមថាគាត់អាចរស់បានយូរប៉ុណ្ណាទៀតទេ។ លោកតា Thawin បានបន្ថែមទៀតថា “ស្ថានភាពសុខភាពប្រពន្ធខ្ញុំគឺឈឺធ្ងន់ធ្ងរណាស់ ហើយយើងមិនគិតថានាងអាចធ្វើវាបានទេ ប៉ុន្តែយ៉ាងហោចណាស់នាងនៅមានជីវិត ប្រសិនបើនាងត្រូវបានគេដុតចោលទាំងនៅមានជីវិត។ ខ្ញុំមានអំណរគុណដែលប្រពន្ធខ្ញុំនៅមានជីវិត ទោះបីវាមិនយូរក៏ដោយ ក៏យើងនឹងបន្តមើលថែនាងរហូតដល់នាងអស់ជីវិត”៕សូមទស្សនាវីដេអូខាងក្រោម៖
