នៅព្រឹកថ្ងៃទី ២២ ខែមេសា ឆ្នាំ ២០២១ នេះ អនុគណៈកម្មការស្រាវជ្រាវជំងឺកូវីដ-១៩ បានផ្ដល់ព័ត៌មានឱ្យបានដឹងថា មានអ្នកជំងឺកូវីដ-១៩ គឺជាបុគ្គលិកធ្វើការនៅមន្ទីរពេទ្យព្រះកុសុមៈ (ពេទ្យលោកសង្ឃ) និង មានអ្នកជំងឺកូវីដ-១៩ ម្នាក់ទៀត បានទៅសួរសុខទុក្ខអ្នកជំងឺ នៅទីតាំងខាងលើនេះ ។
អាស្រ័យហេតុនេះ សូមប្រជាពលរដ្ឋ ដែលបានទៅទទួលការព្យាបាល ឬ គ្រួសារអ្នកជំងឺ ឬ បានទៅសួរសុខទុក្ខអ្នកជំងឺ នៅទីតាំងខាងលើ ចាប់ពីថ្ងៃទី ៨ ដល់ថ្ងៃទី ១៨ ខែមេសា ឆ្នាំ ២០២១ សូមដាក់ខ្លួនដាច់ដោយឡែក និង យកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ។
ក្នុងនោះ ប្រសិនបើមានរោគសញ្ញាដូចជា៖ គ្រុនក្ដៅ ក្អក កណ្ដាស់ ឈឺបំពង់ក ឬ ដកដង្ហើមខ្លីៗ ឬ សង្ស័យ សូមមេត្តាប្រញាប់ទៅធ្វើតេស្តរកមេរោគកូវីដ-១៩ ដែលមានទីតាំងនៅ ៖
១. វិទ្យាល័យបាក់ទូក
២. វិទ្យាល័យបឹងត្របែក
៣. មណ្ឌលសុខភាពចាក់អង្រែក្រោម
៤. មន្ទីរពេទ្យខ្មែរ-សូវៀត
៥. សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន)
៦. វិហារព្រះយ៉េស៊ូ ច្រមុះជ្រូកស្ទឹងមានជ័យ
៧. ផ្លូវ ឌួងងៀប ជិតរោងចក្រ ឌីនហាន
៨. ដីឡូត៍ ខាងក្រោយផ្សារឯករាជ្យ៣
៩. មណ្ឌលថែទាំជីវិត (ទីតាំងចាក់សំរាមចាស់ ស្ទឹងមានជ័យ) ៕
ប្រភព ៖ អនុគណៈកម្មការស្រាវជ្រាវជំងឺកូវីដ-១៩
