ភ្នំពេញ៖ កាលពីប៉ុន្មានថ្ងៃកន្លងផុតមកនេះ ប្រិយមិត្តជាច្រើនក៏ដូចជាអ្នកប្រើប្រាស់បណ្តាញសង្គមហ្វេសប៊ុក និង មិត្តរួមសិល្បករជាច្រើននាក់ហាក់មានការព្រួយបារម្ភ និង ចែករំលែកតៗគ្នាពីអាការសុខភាពរបស់ ឌីជេ ក្តិប ដោយបានលើកឡើងថាលោកឆ្លងកូវីដ-១៩ និង កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប។
ជាក់ស្តែងនៅល្ងាចថ្ងៃទី៣១ ខែមីនា ក្នុងឆ្នាំ២០២១នេះផងដែរ ឌីជេ ក្តិប បានធ្វើការបង្ហោះវីដេអូ បញ្ជាក់ពីអាការផ្ទាល់ខ្លួនថា ពេលនេះការធ្វើតេស្តសំណាកជំងឺកូវីដ-១៩ ចំនួន ២ដង របស់លោកនៅអវិជ្ជមាននៅឡើយនោះទេ។
យ៉ាងណាមិញ ទោះជាដំណឹងខាងលើត្រូវបានមហាជនចូលរួមអបអរដល់ ឌីជេ ក្តិប ក៏ពិតមែន ប៉ុន្តែមហាជនក៏នូវមានការព្រួយបារម្ភដល់សុខភាពរបស់លោកខ្លាំងណាស់ដែរ ក៏ព្រោះតែលោកបានបញ្ជាក់ថា បច្ចុប្បន្នលោកកំពុងតាមដានសុខភាពបន្តទៀត ហើយលោកមានជំងឺរលាកសួតធ្ងន់ធ្ងរផងដែរពេលនេះ ៕
